AF268: 72r

ke‑ẕālike sekiz ṭoquz günde bir divān‑ı Ḥāfıẓ temām ėder idi ḥaqīr dergāh‑i pādişāhīye anuñ sürʿat‑i ḫaṭṭin beyān ėdüb // aña istiktāb buyurulsa olmaz‑mı dėdüm cāyizdür dėyü buyurdılar Mıṣır fetḥ olunduqda ḫᵛāceleri Ḥalīmī Efendiye // buyurdılar ki Şemseddīn bize bir tārīḥe [!] vaṣṣāf yazsun ammā serīʿ nüvīs imiş qaç günde yėtişdüre bilür // Mollā Şemseddīne Ḥalīmī Efendi naql ėtdükde yigirmi beş gün mühlet almış ve Ḥalīmī Efendinüñ menzilinde sākin olmaġın // mülāqāta gelenler ḫᵛāce efendiye buluşınca Mollā Şemseddīn ile āşinā olanlar anuñ ḥücresinde ārām ėtmekle şuġlına // māniʿ oluduqları‑çün ḥücresi qapusın üstinden kilīdleyüb içerüden mandallayub sürʿatle kitābete meşġūl iken nā‑gāh // nigāh ėdüb yanında bir kimesne oturur görür ruʿb u ḫavf ġalebe ėdicek ol ʿazīz iẓhār‑i inbisāṭ ėdüb // dizine yapışub lā taḫaf naḥnu miṯlaka ǧiʾnāka li‑z‑ziyārati qorqma biz daḫı senüñ gibi bir ādemüz sizi ziyārete geldük dėr // Mollā Şemseddīn görür ki qapular muqaffel ve pencere demürli nīle [?] nāẓır bir girecek fürce yoq bilür ki ricāl‑i ġaybdur // kitābeti bıraġub muṣāḥebete çeker evvelā suʾāl ėder ki diyār‑i ʿArab bi t‑temām fetḥ ü tesḫīr olınub maḥrūse‑i ʿOs̱mānīyeye // mülḥaq olur‑mı yoḫsa baʿde l‑ʿavd gėrü Çerākise yā āḫir ṭāʾife istīlā ėdeler‑mi dėdi ki Selīm bu ḫidmete // meʾmūr olub gelmişdür ḫidmet‑i ḥarameyn aña ve nesline tefvīż olundı yā fetḥ olmaz‑mı ve tesḫīri müyesser olmaz‑mı // şimdi selāṭīn‑i islāmīye arasında manẓūr‑i naẓar‑i ḥaqq olan Āl‑i ʿOs̱māndur Selīm Ḫān dāʾire‑i evliyān [?] ṭaşra degüldür // ṣāḥib‑i tabaqadur dėdi revā‑yi rāvī‑yi ḥikāyet Monla Şemseddīn dėdi dėdüm ki müddet‑i salṭanet imtidād bulur‑mı // dėdi ki üç müddeti vardır menzilinde sākin olduġum Ḥalīmī Efendinüñ ʿāqibet ḥālinden suʾāl ėtdüm Şāmı // öteye geçmez Şāmda qalur dėdi dėdüm ki yā benüm vefātum ne zemānda olur dėdi ki kişi gendi vefātı zemānın bilmek ʿādetu llāha // muḫālifdir ve mā tedrī nefs ba i arżin temevvüt dėdüm ricālü l‑ġayb iṭṭilāʿ‑i ḥaqq ile ʿındu llāh vāqıf olsalar // cāyiz iḥsān ėdüñ beni āgāh ėdüñ dėdi ki el‑ʿilm ʿındu llāh çünki ibrām ėdersin sen daḫı Ḥalīmī Çelebi ile // bir günde vefāt ėdüb bir çenāze [!] daḫı bileñüzçe çıqub üçüñüzüñ daḫı namāzında Selīm Ḫān bi z‑ẕāt // ḥāẓır [!] olur dėdi andan qoynından bir ʿaraqīye çıqarub bu Selīm Ḫāna hedīyemüzdür īṣāl ėdesin bir daḫı // çıqarub dėdi ki bunı Ḥalīmī Çelebiye vėresin dėdüm ki yā baña bir yādigāruñuz iḥsān ėtmez‑misüz dėdi ki // saña nesne iḥżār ėtmedüm eger istikrāh ėtmezseñ başumdaki ʿaraqīyeyi vėreyüm dėdi ben daḫı raġbet gösterüb // başındaki ʿaraqīyesin baña vėrdi qaṭʿ‑i kelām ėdicek dėdi ki uktub ḥattʿ anẓur sürʿat kitābeti yazınca sürʿat‑i